पूर्वअरनिको यातायात प्रालिले जडीबुटीमा निर्माण गरेको बसपार्क सञ्चालनमा

 

काठमाडौँ - पूर्वअरनिको यातायात प्रालिले जडीबुटीमा निर्माण गरेको बसपार्क आजबाट सञ्चालनमा आएको छ ।

आइतबारबाट पूर्वअरनिको यातायात प्रालिले निर्माण गरेको बसपार्क सञ्चालनमा ल्याएको हो । पूर्वअरनिको यातायात प्रा.लि.को आफ्नै लगानीमा बनाएको बसपार्क काठमाडौं महानगरले संरचना भत्काउन खोजेपछि उच्च अदालत पाटनले कुनै अवरोध नगर्न अन्तरिम आदेश दिएपछि आजबाट सञ्चालनमा आएको हो ।

जडिबुटीमा विभिन्न व्यक्तिको नाममा रहेको १४ रोपनी जग्गा भाडामा लिएर अरनिको बसपार्क प्रालि दर्ता गरेर पूर्वअरनिको यातयात प्रा.लि.ले झन्डै १० करोड रूपैयाँको लगानीमा बसपार्क बनाएको हो ।